मङ्गलबार, ११ मङि्सर २०८१
लागूऔषध सहित धनगढीका किशोर पक्राउ
धनगढी । कैलालीको धनगढीबाट लागूऔषधसहित एक किशोर पक्राउ परेका छन्।
धनगढी उपमहानगरपालिका–२ त्रिनगर ब्यारेलबाट ५ ग्राम लागूऔषध (खैरो हेरोईन) सहित धनगढी उपमहानगरपालिका–१३ का १८ वर्षीय किशोर बिहीवार पक्राउ परेका हुन्।
जिल्ला प्रहरी कार्यालय कैलाली र प्रहरी चौकी त्रिनगरबाट खटिएको संयुक्त प्रहरी टोलीले किशोरलाई लागूऔषधसहित फेला पारी पक्राउ गरेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कुलदिप चन्दले बताए। ती किशोरलाई नियन्त्रणमा लिएर थप अनुसन्धान गरिरहेको चन्दले जानकारी दिए।
शुक्रबार २०, पुष २०८० ०८:५९
प्रतिक्रिया