होलिको अवधिमा सुदूरपश्चिममा २७६ सवारीसाधन कारबाहीमा

५ चैत २०७८, शनिवार

धनगढी, ५ चैत । सुदूरपश्चिम प्रदेशमा होलिको अवधिमा २७६ सवारीसाधन कारबाहीमा परेका छन । प्रदेशको नौवटै जिल्लामा शुक्रबार र शनिबार गरिएको सवारी कारबाहीमा २ लाख ५८ हजार ५ सय राजश्व संकलन भएको प्रदेश ट्राफिक प्रहरी कार्यालय अत्तरियाले जानकारी दिएको छ ।

कारबाहीमा परेका सवारीसाधन मध्ये सबैभन्दा बढी मापसे गरेर मोटरसाइकल चलाएको पाइएको प्रदेश ट्राफिक प्रहरी कार्यालय अत्तरियाले जानकारी दिएको छ । शुक्रबार प्रदेशभर १ सय ३८ सवारीसाधन कारबाही गर्दा ९९ हजार ५ सय राजश्व संकलन भएको हो । त्यस्तै शनिबार २ सय ३८ सवारीसाधनबाट १ लाख ५९ हजार राजश्व संकलन भएको प्रदेश ट्राफिक प्रहरी कार्यालय अत्तरियाले जानकारी दिएको छ ।

कारबाहीमा परेका सवारीसाधनमा सबैभन्दा बढी कैलालीमा रहेका छन । शुक्रबार कैलालीमा ८३ सवारीसाधन कारबाहीमा पर्दा ५८ हजार ५ सय राजश्व संकलन भएको थियो भने शनिबार त्यो संख्या बढेर १ सय २८ सवारीसाधन कारवाहीमा पर्दा ९३ हजार ५ सय रुपैया राजश्व संकलन भएको प्रदेश ट्राफिक प्रहरी कार्यालय अत्तरियाले जानकारी दिएको छ ।

त्यस्तै शुक्रबार र शनिबार सबैभन्दा बढी कैलालीमा १०४ र ५१ मोटरसाइकल कारबाहीमा परेका छन । भने सबैभन्दा कम बैतडीमा ५ मोटरसाइकल कारबाहीमा परेको प्रदेश ट्राफिक प्रहरी कार्यालय अत्तरियाले जानकारी दिएको छ ।

Share This:
No News Were Available