धनगढी । कैलाली कारागारका कैदीबन्दीबीच भएको झडपमा घाइते गोदावरी नगरपालिका–२ का आयुश भट्टलाई काठमाडौं लगिने भएको छ ।

नेपाली सेनाको स्काई ट्रक मार्फत भट्टलाई थप उपचारका लागि काठमाडौं लगिने जिल्ला प्रशासन कार्यालयका सूचना अधिकारी शिवराज जोशीले बताए ।

स्काई ट्रक धनगढी विमानस्थल पुग्दैछ । गम्भीर अवस्थाका भट्टको सेती प्रादेशिक अस्पतालमा आईसीयुमा राखेर उपचार भइरहेको छ ।

अवस्था बिग्रँदै गएपछि उनलाई उपचारका लागि काठमाडौं लगिने भएको हो ।

कारागारमा कैदीबन्दीबीच शुक्रबार राति भएका झडपका धनगढी उपमहानगरपालिका–४ का भरत चौधरीको मृत्यु भएको थियो भने ४७ जना घाइते भएका छन ।